Hello everyone!
Hoxe temos unha entrada un pouco especial, xa que é a última deste curso. É o momento de desfrutar do verán e das vacacións. Are you ready? I'm sure you are!
Pero antes é o momento das despedidas e Alyssa preparou este vídeo para despedirse de vós. Prestade atención! (Facede click na imaxe para ver o seu vídeo)
E como nós non queriamos ser menos tamén preparamos un vídeo para despedila para ela. Moitas grazas por participar! (Facede click na imaxe para ver o noso vídeo)
Ímola botar moito de menos, verdade? Pero estamos moi agradecidos e agradecidas por todo o seu traballo e compañía durante este curso e desexámoslle todo o mellor do mundo!
THANK YOU ALYSSA!!
E agora, pola miña parte, tamén me queda despedirme de vós. Quero darvos a noraboa polo traballo desta temporada e felicitarvos polo voso comportamento e actitude. Sodes uns campións e campioas! E por iso gustaríame que estes días esteades un pouco pendentes dos vosos correos electrónicos, xa que vos chegará unha sorpresiña para felicitarvos polo traballo desta temporada.
O blogue seguirá aberto con todos os recursos que se foron subindo ao longo destes meses a vosa disposición para que, se queredes, practiquedes algo de inglés durante as vacacións repetindo os xogos que se foron colgando.
Desexo que pasedes un moi, moi bo feliz verán e que descansedes moito xa que o merecedes un montón! E...
SEE YOU SOON!!
